close
今日一見 見左5份工....跑黎跑去 好攰啊.....
第一份見完 覺得有機會
因為佢話會幫我查清楚工作證既事
雖然10點返到10點幾11點 but總好過冇工作丫
但係 下午佢就同我講"我地公司既資產係ok 可以幫你申請
但係通過勞委會既審核 好似有d難 要你一直等消息
倒不如你去搵另一份工吧"
聽完之後 如果佢係係我面前 我一定打巴佢
試都唔試 點知會唔通過呢...唔想麻煩就唔想麻煩喇...(唔駛諗)
第二份 南山人壽 非常熱心幫我問工作證既事
睇佢個樣就應該係好想拉我入去做
依我睇 就係得左9成 but保險不是我想做 (留到最後吧)
第三份 ACER 見左都冇20分鐘 就走得
講左句"我地仲睇緊咩野人適合 如果要用你就會通知你
當然 用你就會幫你搞工作證"
等消息....(一半一半....)
第四份 光華附近既電腦店
一入去就俾份工讀生既FORM我填 (玩我咩= =)
填完同佢講我應徵全職WO 佢就話一樣的 主管知嫁喇....
面談內容完全就係講工讀既事....女既問完男既問 男既問完又搵返個女既= =
我再一次講 我係要應徵全職...
佢再一次講 佢知嫁喇 個男既負責的...
返去等消息喇 要用你就會SEND E-MAIL俾你
工作證既事 等用你既時候再講....(算罷 都唔知咩野態度)
最後一份 路過見到請維修工程師 就走入去問
填完FORM 問左一輪~ 感覺合格~
都係工作證問題....佢話"嗯...我會幫你查下到底要點搞 搞得到一定幫你搞 E兩日內回覆你"
E間如果唔係工作證既問題 應該就得左....
由頭到尾 都係工作證既問題.....一個證既影響就係咁大.....(見工見到火大既心得= =)
全站熱搜
留言列表
